Wajumbe wa Baraza watakiwa kuhimiza utendaji kazi

Mwenyekiti wa Baraza la Wafanyakazi la Tume ya Haki za Binadamu na Utawala Bora, ambaye pia ni Katibu Mtendaji wa Tume, Bwana Patience Ntwina akitoa maelezo mafupi kabla ya kumkaribisha Mgeni Rasmi kufungua mkutano wa 20 wa Baraza hilo uliofanyika Februari 21, 2022 kituo cha mikutano cha Jakaya Kikwete jijini Dodoma.

Baadhi ya washiriki wa mkutano wakifuatilia maelezo ya Mwenyekiti wa Baraza.

Mwenyekiti wa Tume ya Haki za Binadamu na Utawala Bora, Mhe. Mathew Mwaimu (Jaji Mst.) ambaye alikuwa Mgeni Rasmi akitoa hotuba ya ufunguzi wa Mkutano wa 20 wa Baraza la Wafanyakazi wa THBUB uliofanyika Februari 21, 2022 kitu Baadhi ya washiriki wa mkutano wakifuatilia kwa makini hotuba ya ufunguzi iliyokuwa ikitolewa na Mhe. Jaji Mstaafu Mathew Mwaimu kituo cha mikutano cha Jakaya Kikwete jijini Dodoma Februari 21 mwaka huu.

Baadhi ya washiriki wa mkutano wakifuatilia kwa makini hotuba ya ufunguzi iliyokuwa ikitolewa na Mhe. Jaji Mstaafu Mathew Mwaimu kituo cha mikutano cha Jakaya Kikwete jijini Dodoma Februari 21 mwaka huu.

Afisa Kazi kutoka Ofisi ya Kamishna wa Kazi nchini, Bi. Honesta Ngoli akitoa mada kuhusu wajibu wa wajumbe wa Baraza la Wafanyakazi wakati wa Mkutano wa 20 wa Baraza la Wafanyakazi wa THBUB uliofanyika Februari 21, 2022 kituo cha mikutano cha Jakaya Kikwete jijini Dodoma.

Baadhi ya washiriki wa mkutano wakifuatilia kwa makini mada iliyokuwa ikitolewa na Bi. Honesta Ngoli wakati wa Mkutano wa 20 wa Baraza la Wafanyakazi wa THBUB uliofanyika Februari 21, 2022 kituo cha mikutano cha Jakaya Kikwete jijini Dodoma.

Mjumbe wa Baraza, Bwana Yohana Mcharo akitoa neno la shukrani wakati wa Mkutano wa 20 wa Baraza la Wafanyakazi wa THBUB uliofanyika Februari 21, 2022 kituo cha mikutano cha Jakaya Kikwete jijini Dodoma

Mwenyekiti wa Tume ya Haki za Binadamu na Utawala Bora, Mhe. Jaji Mstaafu Mathew Mwaimu (katikati) na Mwenyekiti wa Baraza la Wafanyakazi wa THBUB, Bwana Patience Ntwina (wa pili kushoto) wakiwa katika picha ya pamoja na viongozi na wajumbe wa Baraza hilo, Februari 21, 2022 kituo cha mikutano cha Jakaya Kikwete jijini Dodoma. Wengine kutoka kushoto (waliokaa) ni: Katibu Msaidizi wa Baraza, Bi. Jovina Muchunguzi, Katibu Mtendaji Msaidizi wa THBUB Ofisi ya Zanzibar, Bwana Juma Msafiri Karibona na Katibu wa Baraza, Bwana Emmauel Ndosi.

 

---

MWENYEKITI wa Tume ya Haki za Binadamu na Utawala Bora (THBUB), Mhe. Mathew Mwaimu (Jaji Mst.) amewataka wajumbe wa Baraza la Wafanyakazi la Tume kuwakumbusha watumishi wenzao kutekeleza majukumu ya taasisi kikamilifu.

Pia ameushauri uongozi wa Tume kushirikiana kwa karibu na uongozi wa Baraza la Wafanyakazi la Tume na Chama cha Wafanyakazi (TUGHE) tawi la THBUB katika kutatua kero za watumishi ili kuleta ufanisi kiutendaji.

Mhe. Mwaimu ameyasema hayo Februari 21, 2022 wakati akifungua mkutano wa 20 wa Baraza la Wafanyakazi wa THBUB uliofanyika kituo cha mikutano cha Jakaya Kikwete jijini Dodoma. Mhe. Mwenyekiti aliwaambia wajumbe wa Baraza kuwa “nyie ni wawakilishi wa watumishi wengine, tuwakumbushe watumishi wenzetu kutekeleza majukumu ya Tume kikamilifu, kwa kuwa ndiyo tutapimwa nayo.”

Aidha, alihimiza kuhusu ushirikiano baina ya uongozi wa Tume, Baraza la Wafanyakazi, na Chama cha Wafanyakazi kuwa utasaidia katika kuendelea kuwakumbusha wajumbe wa Baraza wajibu wao, kushughulikia maslahi ya watumishi na katika utoaji huduma za taasisi.

Mhe. Jaji Mstaafu alitumia fursa hiyo pia kuwapongeza viongozi na wajumbe wa Baraza kwa kuchaguliwa kwao kuwawakilisha watumishi wenzao katika Baraza hilo. Pia aliwataka kuzitumia nyadhifa walizokasimiwa kwa manufaa ya Baraza, taasisi na watumishi wenzao.

Awali kikao hicho kilianza kwa kufanya uchaguzi wa Katibu na Katibu Msaidizi wa Baraza hilo kwa miaka mitatu ijayo. Waliochaguliwa kushika nafasi hizo ni: Maafisa Wachunguzi Wakuu Bwana Emmanuel Ndosi (Katibu) na Bi. Jovina Muchunguzi (Katibu Msaidizi).

Akitoa neno la shukrani kwa niaba ya Baraza, mmoja wa wajumbe, Bwana Yohana Mcharo aliishukuru Serikali kwa kuanzisha mabaraza ya Wafanyakazi sehemu za kazi, ambapo kwa asilimia kubwa yanasaidia kufikisha ushauri, maoni na changamoto za watumishi kwa menejimenti za taasisi.

Uwepo wa mabaraza ya Wafanyakazi husaidia kuweka uwazi, usawa na demokrasia ambayo husaidia kuleta ufanisi,” alisema Bwana Mcharo. "

Katika mkutano huo uliowashirikisha takriban wajumbe 60 kutoka makao makuu ya Ofisi za Tume Dodoma, Ofisi ya Tume Zanzibar na Ofisi za Tume za matawi ya Dar es Salaam, Lindi, Pemba na Mwanza, washiriki walijifunza majukumu yao.

Pia, walipokea na kujadili Taarifa ya Utekelezaji wa Majukumu ya Tume ya Julai - Desemba, 2021, Taarifa ya Makadirio ya Bajeti ya Mwaka ujao wa fedha (2022/2023), Taarifa ya Utawala na Usimamizi wa Rasilimali Watu na Hoja za TUGHE.